‘வெள்ளை’ மனதும் வெள்ளை மனதும்.

ஒபாமாவின் தீராத் தலைவலியாக வந்திருப்பது அவர் சார்ந்திருந்த சிகாகோவின் ட்ரினிட்டி சர்ச்சின் போதகர் ஜெரமாயா ரைட்டின் அமெரிக்க எதிர்ப்புக் முழக்கங்கள். (படிக்க: பராக்கின் வாடர்லூ..?). பராக் ஒபாமாவின் சமன் செய்யும் முயற்சியான வரலாற்று சிறப்புமிக்க அவரது இனப்பிரச்சனை பேருரையும் அவர் மீது தனிப்பட்ட நன்மதிப்பை வளர்த்துள்ளதே தவிர ஜெரமையா ரைட்டின் பிரச்சனை மக்களின் மனதை விட்டு எளிதில் அகலப் போவதில்லை. ஒபாமாவின் செல்ல மாமாவாகத் திகழ்ந்துவந்த அமெரிக்க ஊடகங்களும் இந்தப் பிரச்சனைக்குப்பின் அவருக்கு மிட்டாய் வழங்குவதை குறைத்துக் கொண்டுள்ளதாகவே தோன்றுகிறது.

ஜெரமையா ரைட் கறுப்பின விடுதலை இறையியலை (Black liberation Theology) பின்பற்றுபவர். அமெரிக்காவின் பல கறுப்பின திருச்சபைகள் இந்த கறுப்பின விடுதலை இறையிலை பின்பற்றுபவைகளே. ஜெரமையா ரைட்டின் போதனைகளில் பல எதிர்-அமெரிக்க கூற்றுக்கள் வெளிப்படுத்தப்பட்டுள்ளன. அவை கருப்பினத்தவர்கள் மீது ‘வெள்ளை’ அமெரிக்க அரசின் “‘திட்டமிட்ட’ அடக்குமுறைகளை, அரசியல் சமூக இரட்டை நிலைகளைச்” சாடுவதும், அமெரிக்காவின் போர் முயற்சிகளைச் சாடுவதுமாய் அமைந்துள்ளன. கறுப்பினத் திருச்சபைகளில் போதகர்கள் எளிதில் கைகொள்ளும் விதயங்கள் இவை என்றபோதும் ஜெரமைய ரைட்டின் ‘God damn America’ போன்ற கடுஞ்சொற்களை ஜீரணிக்க இயலாமல் ஒபாமாவின் தீவிரத் தொண்டர்களும் தடுமாறுவதைக் காணமுடிகிறது.

கறுப்பினத்தவர் மீது திட்டமிட்டு கட்டமைக்கப்பட்ட அடக்குமுறை தொடர்கிறது என்பதே அடித்தட்டு கறுப்பின மக்களிடம் நிலவும் பரவலான கருத்து. இதையே அவர்களின் திருச்சபை முதலிய அதிகார அமைப்புக்களும் பிரதிபலிக்கின்றன. இந்த நம்பிக்கையின் பின்னணியிலிருந்து எழுபவை வெறும் எதிர்ப்புக் குரல்களும் விமர்சனங்களும் மட்டுமல்ல சில கான்ஸ்பிரசி தியரிகளும்கூட.
HIV வைரஸ் கறுப்பினத்தவர்களை ஒழிக்க உருவாக்கப்பட்டது, ‘அமெரிக்க அரசு கறுப்பினத்தவர்களுக்குப் போதைப் பொருட்களைத் தருகிறது’, 9/11 அமெரிக்காவின் சொந்தச் செயல் என்பது முதலிய பல கான்ஸ்பிரசி தியரிகள் கறுப்பினத்தவர்களின் மத்தியில் நிலவுகின்றன. ஒரு மதபோதகர் இவற்றை போதிப்பது அதிகாரபூர்வ அங்கீகாரத்தை வழங்குவதாகக் கொள்ளப்படுகிறது.

ஒபாமா, பாஸ்டர் ரைட்டின் பேச்சுக்கு கண்டனமும் எதிர்ப்பும் தெரிவித்தபோதும், பாஸ்டர் ரைட்டின் போதனைகளையும், அமெரிக்க எதிர்ப்புக் கொள்கைகளையும் தாண்டிய மனஎழுச்சியூட்டும் நற்செயல்களை செய்யக்கூடிய ஒரு ஆளுமையை அவருள் தான் கண்டுள்ளேன் எனக் கூறினாலும், மக்கள் மனதை விட்டு ‘God damn America’ என அலறும் ஜெரமையா ரைட்டின் முகம் மறைய மறுக்கிறது.
ஜெரமையா ரைட்டின் குரல் ஒடுக்கப்பட்ட கறுப்பினத்தவர்களிடம் காணப்படும் அமெரிக்கா குறித்த அதிருப்தியின் குரல் என்பதை ஒபாமா ஒப்புக் கொள்கிறார். கறுப்பினத்தவரை எப்படி நான் விட்டுத்தர (Disown) இயலாதோ அவ்வாறே ஜெரமையா ரைட்டையும் என அவர் கூறுவதன் பின்னணி இதுதான். ஆயினும் இந்த எதிர்ப்புக் குரல், பிரிவினைகளை முன்வைத்து எழக் கூடாது என்பதே அவரின் கொள்கை. 

அமெரிக்காவில் கறுப்பினத்தவரின் நிலமை இன்றளவும் அடிமட்டத்திலேயே இருப்பதன் பின்னணியில் திட்டமிட்ட சதிகள் இருக்கின்றன என சந்தேகங்களும் எதிர்குரல்களும் எழ முகாந்திரங்கள் இருப்பதை சிலராலேயே ஏற்றுக்கொள்ள இயல்கிறது. அப்படி ஏற்றுக் கொள்பவர்கள் கூட கோவில் போன்ற பொது இடங்களில் அக்குரல்கள் ஒலிப்பதை ஏற்றுக்கொள்ளவில்லை.

திருச்சபையும் அரசாட்சியும் தனித்தியங்க வேண்டும் என்பது அமெரிக்க அரசியலமைப்புக் கொள்கை. (Separation of Church and State). ஆனால் கறுப்பினத்தவரின் சமூகப் பிரதிநித்திகளாக அவர்களின் திருச்சபையே விளங்குகிறது. மார்ட்டின் லூத்தர் துவங்கி ஜெசி ஜாக்சன் வரை கறுப்பின சம உரிமைக்கானப் போராட்டங்களை முன்னின்று நடத்தியவர்கள் பலரும் மதபோதகர்களே என்பது குறிப்பிடத் தக்கது. கறுப்பினத்தவர்களுக்கு எதிரான முக்கிய அடக்குமுறையாக கறுப்பினத்தவரின் கோவில்கள் எரிக்கப்பட்டன. கறுப்பின திருச்சபை என்பது வெறும் வழிபாட்டுக் கூடமாய் மட்டுமின்றி அவர்களின் சமூகக் கூட்டுக் குரலாகவும் விளங்குவதன் அடிப்படையில் அவை ஒபாமா போன்ற ‘விடுதலைபெற்ற’ மேல்தட்டு மக்களின் குரலாக மட்டுமன்றி ஒடுக்கப்பட்ட மக்களின் குரலாகவும் ஒலிக்கின்றன. இது குறித்த புரிதல்களை உருவாக்கும் வேண்டுதல்கள் ஒபாமாவின் இனப்பிரச்சனை உரையில் பரவிக் கிடக்கின்றன.

எதிர்-அமெரிக்கக் கருத்துக்கள் உலவும் ஒரு பின்னணியிலிருந்து வரும் எந்தத் தலைவரையும் அமெரிக்க மெஜாரிட்டி வெள்ளையினத்தவர் ஏற்றுக்கொள்ளத் தயங்குகிறார்கள். முன்பு ஒபாமாவின் நேர்மையை நம்பிய மக்கள் இன்று ஒபாமாவின் வார்த்தையை விட அவரது போதகரின் வார்த்தைகளை முன்வைத்து முடிவுகளை எடுக்க ‘இனம்’ தவிர்த்த போதுமான காரணங்கள் இல்லை. சுய முனைப்பின் மூலம் அமெரிக்கர் யார் வேண்டுமானாலும் தங்கள் கனவை எட்ட முடியும் எனும் கூற்றொன்று இங்கு பிரபலம். ஆயினும் கறுப்பினத்தவர்களால் சிகரங்களை எளிதில் எட்ட இயலுவதில்லை. இதை வெறும் சோம்பேறித் தனத்துடனேயே பொருத்திப்பார்க்கும் பல அமெரிக்கர்களும் ‘இனப் பிரச்சனை’ அமெரிக்காவில் இல்லை என்றே நம்புகிற நிலையும் உண்டு.
கறுப்பினத்தவர் ஒருவர் அமெரிக்க அதிபர் ஆவதில் இருக்கும் அதி முக்கிய பிரச்சனை அவரது கறுப்புப் பின்னணியை அவர் முற்றிலும் மறைத்து ‘வெள்ளை’ மனதுடையவராக ஆகிவிட வேண்டும் எனும் எதிர்பார்ப்பே. இந்த ஞானஸ்னானம் பெறாத கறுப்பினத் தலைவர் அமெரிக்க அதிபராவது இயலாது. ஒபாமாவிடம் தற்போது மக்கள் எதிர்பார்ப்பதுவும் இதுவே. இது அடிப்படையில் ஜனநாயகத்தின் மெஜாரிட்டிகே வெற்றி எனும் கொள்கையில் அமைந்திருந்தாலும் இது ‘இனம்’ சார்ந்த பிரிவினையாக இருப்பது வருந்தத்தக்கது. ஒபாமா இதனை எதிர்கொள்ளத் தன் தாய்வழி வெள்ளை இனப் பின்னணியை முன்வைக்க நேர்ந்ததுவும் குறிப்பிடத்தக்கது.

ஒருவரின் வார்த்தைகள் உள்ளோடும் உணர்வுகளை வெளிக்கொணர்கிறதென்றால் ஒபாமாவின் வார்த்தைகளை நம்புவதே அவரைக் குறித்த மதிப்பிடலுக்கு சரியான அளவுகோலாகும். ஒபாமாவின் நிலை இதில் என்ன என்பதையும் அவர் கறுப்பினத்தவரின் கோபத்தின் அடிப்படையில் இதுவரை என்ன செய்திருக்கிறான் என்பதைத் தேடினால் ஒன்றுமில்லை என்றே கூற இயலும். அமெரிக்க கறுப்பினக் கோபத்தை அவர் முழுமையாக உணர்ந்திருக்கவும் முடியாது, ஏனெனில் அவரது கறுப்பு பின்னணி சந்தேகத்துக்குரியது. அவரை முழுமையான கறுப்பினத்தவர் என கறுப்பினத்தவர்களே ஏற்றுக்கொள்ளவில்லை.
ஒபாமா கறுப்பு, வெள்ளை எனும் இரு பின்னணிகளையும் கொண்டவர். இவர்களை இணைக்கும் புள்ளியாக திகழ்கிறார் என்று நம்புபவர்களும் உண்டு ஆனால் அவர்கள் மெஜாரிட்டி இல்லை. ஒபாமா இந்த சர்ச்சையிலிருந்து தற்போது மீண்டாலும் பொதுத் தேர்தலின்போது இந்த வேதாளம் மீண்டும் முருங்கை மரத்தில் ஏறும் என்பது உண்மை.

பராக் ஒபாமாவின் புதிய விளம்பரங்கள் – பென்சில்வேனியா பிரச்சாரம்

1. “Opportunity

ஒபாமாவின் தாத்தா, பாட்டி, மற்றும் தனியாக விடப்பட்ட தாய் ஆகிய பின்னணியை விளக்கி, அறிமுகம் செய்கிறது. நடுத்தர வர்க்கத்திற்கான வரிவிலக்கை ஆதரிப்பவர், வேலைவாய்ப்பை பெருக்குபவர் என்று விரிகிறது.

இனம் குறித்த சர்ச்சை மிகுந்திருப்பதால், இந்த விளம்பரத்தில் ஒபாமாவும் அமெரிக்க சிந்தனையை உடையவர், நாட்டுப்பற்று மிக்கவர், சராசரி Caucasian பிரச்சினைகளை உணர்ந்தவர் என்பதை குறிக்கும் வகையில் அமைந்துள்ளது. ஆப்பிரிக்க – அமெரிக்கர்களை மட்டுமல்லாமல், தொழிற்சாலையில் வேலை பார்க்கும் வெள்ளை ஆண்களைக் குறிவைத்து அமைந்திருக்கிறது.

2. “Toughest”

வணிக நோக்கத்திற்கான குழுக்களுக்கு எதிராக செயல்படுகிறார் என்னும் விளம்பரம்:

3. “Carry”

‘பாரம்பரியவாதி, தாராளவாதி வாக்காளர் என்று அமெரிக்காவை பிரிக்காமல், அனைத்து சாராரையும் ஒருங்கிணைப்பவர் – பராக் ஒபாமா’ என்கிறது.

முன்னாள் ஜனாதிபதி வேட்பாளர் ஆதரவு ஒபாமாவிற்கு கிடைத்தது

richardson_533.jpg

ஜனநாயகக் கட்சி வேட்பாளராகத் தேர்வு பெறுவதற்கான முயற்சியில், ஒபாமா இன்னொரு முக்கிய அங்கீகாரத்தைப் பெற்றிருக்கிறார்.

ஹிஸ்பானிக் வாக்காளர்களிடம் அதிக செல்வாக்குப் பெற்றிருப்பதாகக் கருதப்படும் நியு மெக்ஸிகோ கவர்னர் பில் ரிச்சர்ட்சன், ஒபாமாவுக்கு ஆதரவு தெரிவித்திருக்கிறார்.

மேலும் விவரங்களுக்கு:

1. Richardson says Clinton phone call got 'heated' – First Read – msnbc.com

2. First a Tense Talk With Clinton, Then Richardson Backs Obama – New York Times

3. What Richardson's endorsement means for Obama. – By John Dickerson – Slate Magazine

ஒபாமாவிடம் மன்னிப்புக் கோரினார் ரைஸ்; ஜான் மெகெயின், ஹில்லரி கடவுச்சீட்டுகளும் அத்துமீறப்பட்டுள்ளன

அமெரிக்க அரசுத்துறைச் செயலர் கொண்டலிஸா ரைஸ் அம்மையார் அவர்கள், ஜனநாயக் கட்சி வேட்பாளராகத் தேர்வு பெற வாய்ப்பு இருப்பதாக எதிர்பார்க்கப்படும் பராக் ஒபாமாவிடம் மன்னிப்புக் கோரியிருக்கிறார்.

ஒபாமாவின் பாஸ்போர்ட் தகவல்களைப் பெறுவதற்காக, அரசுத்துறையின் ஊழியர்கள், கணினி பாதுகாப்பு விதிகளை மீறியதாக வெளியான தகவலை அடுத்து அவர் மன்னிப்புக் கோரியிருக்கிறார்.

ஒபாமாவுடன் தொலைபேசியில் தொடர்பு கொண்டு பேசியதாகவும், யாராவது தனது பாஸ்போர்ட் தகவல் கோப்புக்களைப் பார்த்திருந்தால் தான் மிகவும் கவலையடைந்திருப்பேன் என்று கூறியதாகவும் கொண்டலிஸா ரைஸ் தெரிவித்தார்.

நன்றி: பிபிசி

மேலும் விவரங்களுக்கு:

1. FACTBOX: Obama, Clinton, McCain passport files breached | Reuters

2. FAQ: The passport breach: What exactly is in those records?

3. State Dept. investigating passport-data snooping – USATODAY.com

ஏற்ற இறக்கங்களும், இழுபறிகளும் – சுந்தரேஷ் (தென்றல்)

அமெரிக்க அதிபர் தேர்தல் 2008 இருந்து…

பந்தயத்தில் கடைசி நிலையில் தொடங்கி, பிரசாரத்துக்குக் கூடப் போதுமான அளவு பணம் சேர்க்க முடியாமல் கஷ்டப்பட்டு, ரிபப்ளிகன் கட்சிக்காரர்கள் பலராலேயே ‘கன்சர்வேட்டிவ் மதிப்புகளைக் காக்க இவர் சரியான ஆள் அல்ல’ என்று விமர்சிக்கப் பட்ட நிலையில் இருந்தவர் ஜான் மெக்கெய்ன். ஆனால், படிப்படியாகக் கடுமையாகப் போராடி சில சாதுர்யமான அரசியல் தந்திர நடவடிக்கைகளால் முன்னணி நிலைக்கு வந்திருக்கும் ஜான் மெக்கெய்னின் வெற்றி அவரது அயராத தன்னம்பிக்கைக்கும், விடாமுயற்சிக்கும் கிடைத்த பலன். வியட்நாம் போரின்போது சிறையில் பல ஆண்டுகள் அடைபட்டு வதைபட்ட காலத்தில் கைகொடுத்த அதே குணக்கூறுகள் பல ஆண்டுகளுக்குப்பின் வேறு போராட்டத்தில் அவருக்குக் கை கொடுத்திருக்கின்றன. இவர் அதிபரானால் அமெரிக்க வரலாற்றில் மிக முதிய அதிபர் (71 வயது) என்ற தகுதியைப் பெறுவார்.

:::

எந்த கட்சி ஆட்சிக்கு வந்தாலும்- இன்றைய நிலையில் புதிய அதிபர் முன்னுள்ள சோதனைகள் மிகக்கடுமையானவை. அமெரிக்கப்பொருளாதாரம், அராபிய எண்ணெய்ச் சார்பு, ஈராக் படைக்குறைப்பு, இஸ்லாமிய பயங்கரவாதம், உலக நாடு களிடையே அமெரிக்காவின் நம்பகத்தன்மை என ஒன்றுக்கொன்று பின்னிப்பிணைந்த பல சிக்கல்களை நூல் பிரித்து நுணுக்க மாகத் தீர்க்க, கூர்மையான அரசியல் வித்தகம், அனைத்து தரப்பையும் அரவ ணைத்துபோகும் பாங்கு, தேவையென்றால் கடுமையான நடவடிக்கைகள் எடுக்கத் தயங்காத உறுதி என்று பல குணாம்சங்கள் கூடிய ஒரு தெளிவான தலைமை அவசியம்.

முழுவதும் வாசிக்க: சுந்தரேஷ்

ஒபாமாவின் ‘இனப்பிரச்சனை’ பேருரை

ஒபாமா நேற்று மிகச் சிறப்பான உரை ஒன்றை வழங்கியுள்ளார். ‘இன்னும் முழுமையான ஒன்றியம்/ஐக்கியம்'(A more perfect union) என தலைப்பிடப்பட்டுள்ள இந்த உரையில் அவர் பேச எடுத்துக்கொண்ட விதயம் அமெரிக்காவின் ‘இனப்பிரிவினை’.

ஒபாமா சார்ந்துள்ள திருச்சபையின்(Church) மதபோதகர் அமெரிக்காவை கண்டித்துப் பேசிய பேச்சுக்கள் இனப் பின்னணியில் ஒபாமாவுக்கு எதிராக சர்ச்சையை கிளப்பிவிட்டபின் இந்த சமன் செய்யும் முயற்சி ஓரளவுக்கு எதிர்பார்க்கப்பட்டதே என்றாலும், இந்த பேச்சின் வீச்சு வெறும் தன்னிலை விளக்கத்தையும் தாண்டிச் சென்றுள்ளதை உணர முடிகிறது.

பொதுவாக கறுப்பினத்தவர்களைத் தவிர்த்த அமெரிக்க அரசியல்வாதிகள் எளிதில் தாண்டிச்செல்லும் ஒரு விதயமாக இனப்பிரச்சனை இருந்துவருகிறது. ஒபாமா அதன் கொம்புகளைப் பிடித்துக் கொண்டு எதிர்கொண்டிருக்கிறார் என்பதே இந்தப் பேச்சின் முக்கியத்துவம். அவர் இந்த உரையினை வழங்கவும், இனப்பிரச்சனை குறித்து பேசவும் சூழ்நிலையால் கட்டாயப்படுத்தப்பட்டார் என்றாலும் இதன் முக்கியத்துவம் கொஞ்சமும் குறைந்துவிடவில்லை.

‘மக்களாகிய நாம், மேலும் முழுமையான ஒரு ஒன்றியத்தை உருவாக்கும் பொருட்டு…’ (“We the people, in order to form a more perfect union.” ) எனும் அமெரிக்க விடுதலைப் பிரகடனத்தின் முதல் வார்த்தைகளில் துவங்கிய உரை மன எழுச்சியைத்(Insipiration) தூண்டும் விதத்தில் அமைந்திருந்தது.

முதலில் இனப்பிரச்சனை உண்மையானதும், கவனிக்கப்படவேண்டியதுமான ஒன்று என்பதை ஒபாமாவின் உரை உணர்த்தியது. அதை கடந்து செல்ல அவர் முன்வைக்கும் ஒரே வழி சேர்ந்து செயல்படுவது என்பதையே. அத்தகைய ஒருங்கிணைப்பு சாத்தியம் என கடவுளின் பேரிலும், அமெரிக்க மக்க்லின் பேரிலும் தனக்கிருக்கும் நம்பிக்கையாலேயே தான் அதிபர் பதவிக்கு போட்டியில் குதித்தேன் என்றார்.(I chose to run for the presidency at this moment in history because I believe deeply that we cannot solve the challenges of our time unless we solve them together – unless we perfect our union by understanding that we may have different stories, but we hold common hopes; that we may not look the same and we may not have come from the same place, but we all want to move in the same direction – towards a better future for of children and our grandchildren. )

ஒபாமாவின் பேச்சு அவர் முஸ்லிம் மதத்தவர் என்பவர்களின் பிரச்சாரங்களுக்கு எதிர்ப்பாகவும் அமைந்தது. நேரடியாக அவர் இதுகுறித்து பேசவில்லையென்றாலும் உரையில் அழுத்தமாக அவரது கிறீத்துவப் பின்னணி முன்வைக்கப்பட்டது.

தான் வெள்ளையினப் பாட்டியினால் வளர்க்கப்பட்டவன் என்றும் கறுப்பர்கள் குறித்து அவரின் இயல்பான பயத்தையும் அவ்வப்போது அவர் சொன்ன வெறுப்புச் சொற்களையும் முன்வைத்து தன் பாட்டியை எப்படி தன்னால் ஒதுக்க இயலாதோ அதே போலவே மதபோதகர் ஜெரமையா ரைட்டையும், அவர் பிரதிபலிக்கும் கறுப்பினத்தையும் தன்னால் நிராகரிக்க இயலாது என தெரிவித்தார் ஒபாமா. இதன்மூலம் தன் வெள்ளையினப் பின்னணியைச் சொல்கிறார்.

தன் மனைவியின்வழியே தன் குடும்பத்திலும், அவர் பிள்ளைகளிடமும் அடிமைகளினதும், அடிமைகளின் எஜமானர்களினதுமான இரத்தம் ஓடுகிறது எனச் சொல்லி தன் கறுப்பினப் பின்னணியை முன்வைத்தார். (I am married to a black American who carries within her the blood of slaves and slaveowners – an inheritance we pass on to our two precious daughters.)

இந்த அதிபர் தேர்தலின் மூலம் அமெரிக்காவின் இனப்பிரச்சனை முடிவுக்கு வந்துவிடும் என நம்புமளவுக்குத் தான் இளகியமனம் படைத்தவனல்ல என்று உண்மையை உணர்த்துகிறார். (Contrary to the claims of some of my critics, black and white, I have never been so naïve as to believe that we can get beyond our racial divisions in a single election cycle, or with a single candidacy – particularly a candidacy as imperfect as my own.)

ஜெரமையா ரைட் தன்னை கிறீத்துவத்திற்கு அறிமுகப்படுத்தியவர், தன் திருமணத்தை நடத்தியவர், தன் மகள்களுக்கு ஞானஸ்னானம் வழங்கியவர் எனத் தன் கிறீத்துவப் பின்னணியை அழுந்தச் சொல்கிறார் ஒபாமா. மதபோதகர் ஜெரமையாவின் பிரிவினை கருத்துக்களோடு தனக்கு உடன்பாடில்லையென்றும் ஏற்கனவே அதற்கான கண்டனத்தை தெரிவித்துவிட்டதாயும் சொன்ன ஒபாமா ஜெரமையாவை அத்தகைய சர்ச்சைக்குரிய கருத்துக்களை உடையவர் மட்டுமே எனத் தான் நினைத்திருந்தால் தான் வேறு திருச்சபைக்கு மாறியிருப்பேன் எனக் கூறினார். கறுப்பின அடிமைத்தளத்தின், அதன்பின் வந்த சமூக, அரசியல் இரட்டைநிலைகளின் விளைவுகளை அனுபவித்துணர்ந்த கறுப்பின மூத்தமக்கள் ஒரு தலைமுறையினரிடம் இன்னும் அமெரிக்கா குறித்த சோர்வுணர்வு மிஞ்சி நிற்பதாயும், அதன் வெளிப்பாடுகள் தவிர்க்க இயலாததாயும் உள்ளதை சுட்டிக்காட்டினார். கறுப்பினத்தவர்கள் பொருளாதார, சமூக ரீதிகளில் தனிப்படுத்தப்பட்டிருப்பதை உணர்த்துவதாயமைந்தது அவர் பேச்சின் முக்கிய பகுதிகள் சில.

இதைப்போலவே அமெரிக்க வெள்ளையினத்தவர் மத்தியில் கறுப்பினத்தவர் மேம்பட்டிற்கான அஃபர்மேட்டிவ் ஆக்ஷன் போன்ற ஒதுக்கீட்டுக் கொள்கையினாலும், கறுப்பினத்தவரின் வன்முறைக் கலாச்சாரத்தினாலும் ஏற்பட்டிருக்கும் அதிருப்தியும் உண்மையானதும் கவனிக்கத்தக்கதும் என ஏற்றுக்கொண்டார்.

ஆயினும் இந்த அதிருப்திகளையும், சோர்வுனர்வுகளையும் மிஞ்சி ஒருங்கிணைவதுவே ஒரு மேலும் முழுமையான ஒன்றியத்திற்கான பாதை என்பதை வலியுறுத்தினார். (But I have asserted a firm conviction – a conviction rooted in my faith in God and my faith in the American people – that working together we can move beyond some of our old racial wounds, and that in fact we have no choice is we are to continue on the path of a more perfect union. )

அரசியல்வாதிகள் எளிதில் எடுத்துப் பேசாத இனப்பிரச்சனையை முன்நிறுத்தி பேசியதே பராக் ஒபாமாவின் உரையை வரலாற்று சிறப்புமிக்கதாக்கிவிடுகிறது. கடந்த சில வருடங்களில் அமெரிக்கர்களுக்கு கிடைக்கப் பெறாத ஒரு போதனையாகவே(Sermon) இது அமைந்தது. பராக்கின் அழகியலும் ஆழமும் கலந்த உரைகள் இக்குணங்கள் அறவே அற்ற அதிபர் புஷ்ஷுக்கு ஏற்ற மாற்றாய் இவரை முன்நிறுத்துகிறது.

ஒபாமாவின் உரை இனப்பிரச்சனைகளுக்கு தீர்க்கமான தீர்வுகளை முன்வைக்கவில்லை என்பதே உண்மை. அவர் இனப்பிரச்சனைகளை முறியடிக்கும் செயல்திட்டங்களை முன்வைக்கவில்லை. அது அமெரிக்காவின் முழுமை நோக்கிய பயணத்தில் எளிதில் கைகூடுவதல்ல என்பதை உணர்ந்துள்ளவராகவே அவர் பேசினார். எனினும் அவர் உரை இன்றைய நிலையில் இனப்பிரச்சினையை கடந்து செல்வதன் அவசியத்தையும், ஒருங்கிணைந்த செயல்பாட்டிற்கான தேவையையும் முன்வைத்தது.

உலக அரசியலில் அண்மையில் இதுபோல ஒரு எழுச்சியூட்டும் உரையை கேட்டிருப்பது அரிது.

‘நீங்கள் கேட்க விரும்புவதை மட்டுமல்ல நீங்கள் கேட்கவேண்டியவற்றையும் பேசுவேன்’ எனும் ஒபாமாவின் பிரசார வரிகள் நேற்றைய உரையில் உயிர்பெற்றன என்பதில் சந்தேகமில்லை.

ஒபாமாவின் உரையைக் காண, படிக்க இங்கே செல்லவும்
ஒலிவடிவில் கேட்க.

தொடர்புள்ள இடுகை

Some Quotes

The document (Declaration of independance) they produced was eventually signed but ultimately unfinished. It was stained by this nation’s original sin of slavery, a question that divided the colonies and brought the convention to a stalemate until the founders chose to allow the slave trade to continue for at least twenty more years, and to leave any final resolution to future generations.

And yet words on a parchment (referring to the constitution) would not be enough to deliver slaves from bondage, or provide men and women of every color and creed their full rights and obligations as citizens of the United States.

I have brothers, sisters, nieces, nephews, uncles and cousins, of every race and every hue, scattered across three continents, and for as long as I live, I will never forget that in no other country on Earth is my story even possible.

it is a story that has seared into my genetic makeup the idea that this nation is more than the sum of its parts – that out of many, we are truly one.

Like other predominantly black churches across the country, Trinity embodies the black community in its entirety – the doctor and the welfare mom, the model student and the former gang-banger. Like other black churches, Trinity’s services are full of raucous laughter and sometimes bawdy humor. They are full of dancing, clapping, screaming and shouting that may seem jarring to the untrained ear. The church contains in full the kindness and cruelty, the fierce intelligence and the shocking ignorance, the struggles and successes, the love and yes, the bitterness and bias that make up the black experience in America.

Ironically, this quintessentially American – and yes, conservative – notion of self-help found frequent expression in Reverend Wright’s sermons. But what my former pastor too often failed to understand is that embarking on a program of self-help also requires a belief that society can change.

பராக் கின் வாடர்லூ..?

பேஸ்டோர் என்பவர்: A pastor is an official position within a Protestant congregation, and related to the positions of priest or bishop within the Anglican, Roman Catholic and Orthodox Churches.. என்கிறது (உ)விக்கிபீடியா. இப்படியாக பேஸ்டோர் என்பவரை ஒரு மதகுரு, குறிப்பிட்டவொரு கிருத்துவ ஆலயத்தில் பொறுப்புள்ள பதவி வகிப்பவர் என பொருள் கொள்ளலாம். கிருத்துவ குடும்பங்களில் நல்ல நிகழ்வுகளோ, குழப்பங்களோ அல்லது துயரங்களோ ஏற்படும் போது தகுந்த அறிவுரைகள், ஆலோசனைகள் மற்றும் ஆறுதல்களை கொடுத்து அரவணைப்பவர் பேஸ்டோர் என்றும் செவி வழியால் கேட்டதுண்டு; கண்ணுற்று பார்த்ததுமுண்டு நன்றி: எல்லோருக்கும் பிடிக்கும் ரேமண்ட்(டு)! – Marie’s Moments – 1st clip.

பராக் ஹூ. ஒபாமாவும் அவருடைய மனைவி மிஷேலும் 20 வருடங்களாக ஷிகாகோ நகரின் ‘Trinity United Church of Christ’ – ல் உறுப்பினர்களாக இருந்து வருகிறார்கள். ஒன்றல்ல, இரண்டல்ல 20 வருடங்கள். இங்கு 40 வருடங்களாக பேஸ்டோராக இருந்து வருபவர் ஜெரமையா (உ)ரைட். பெயரில் மட்டும்தான் பாதி ரைட், பேசுவதெல்லாம் எரிகிற தீயில் எண்ணையை ஊற்றுகிற ரகம்தான். சொல்லப்படும் போதனை மொழியில் ஓரிரு கூரிய உண்மைகள் இருந்தும், ஜெரமையாவின் தயக்கமில்லாத குறுகிய இனவாதத்தால், வெறுப்புகளால் அவை அடிப்பட்டு போகின்றன.

ஜெரமையா #1

ஜெரமையா # 2

கடந்த சில நாட்களில் திறனலை(??) (am radio: AM works by varying the strength of the transmitted signal in relation to the information being sent) வலதுசாரி வானொலிகளில் ஜெரமையா பற்றியும், இத்தனை வருடங்களாக அவருடைய ஆலய குழுவிலிருக்கும் ஒபாமா பற்றியும் ஓயாமல் லட்சார்ச்சனைகள், 2ம் ஜாம பூஜை இன்னபிற என விடாமல் நடந்து கொண்டுள்ளன. உள்ளூர் வானொலியிலிருந்து, பெரியண்ணன் மகா ரஷ் வரை எல்லோருக்கும் வெறும் வாய்க்கு கிடைத்த பிரிட்டானியா பிசுகோத்து போட்ட மிக்சர் மாதிரி ஆகிவிட்டது திறனலை வானொலி. main stream media என்றழைக்கப்படும் இடதுசாரி நாலாம் எஸ்டேட்டிலோ இது குறித்து பேச்சே இல்லை- drive by media எனும் இடதுகோடி இடதுசாரிகளிடமும் இது குறித்து ஏதும் எதிர்பார்க்ககூட கூடாது.

ஆரம்பத்திலிருந்தே ஓபாமாவின் பேச்சுத்திறமையை தவிர்த்து, ஒரு வாக்காளன் என்ற முறையில் இதுவரை ஆழமாக அவரிடம் எதையும் என்னால் பார்க்க முடிந்ததில்லை. மஹூமூட் அகமடிநிஜாடுடனும், கிம்-ஜோங்-யில் லுடனும் நேரடி பேச்சுகளில் ஈடுபடுவேன் என அவர் உரைத்தது, பெரும் களேபரத்தை என்ன்னிடம் உண்டு பண்ணியிருந்தது. கேனடாவுடன் நேஃப்டா குறித்து அடித்த பல்டி வேறு அவநம்பிக்கையை அதிகரித்திருந்தது. இன்றைக்கு ஹஃப்ஃபிங்க்டன் போஸ்ட்டில் அவருடைய நேர்காணலை எடுத்து போட்டிருக்கிறார்கள். இனிமேல்தான் படித்து பார்க்க வேண்டும். ஜெரமையாவுக்கும் அவருக்கும் ஒரு தெளிவான வேறுபாடை ஓபாமாவால் காண்பிக்க முடியாமல் போனால், இனிமேல் அவருக்கு கீழிறங்கும் நிலைதான் எனத் தோன்றுகிறது.

2000 ல் டூப்யா க்கு வாக்களித்துவிட்டு ஏமாந்து போனதும், விருப்பமில்லாமல் 2004 ல் கெர்ரிக்கு வாக்களித்துவிட்டு மூளையில் மலச்சிக்கல் இருந்தது போல் உணர்ந்ததும் மறந்து போகவில்லை. என்னுடைய வாக்கு, வருங்காலத்தில் என் மகனின் எதிர்காலத்தையும் அவருடைய குழந்தைகள் என வரக்கூடிய சந்ததிகளை பாதிக்கும் நிகழ்வுக்கு கூட அடிகோலாகலாம் என என்னும் போது மனது அரண்டு போகிறது. இன்றைய தேதிக்கு அதிபராக கூடிய மூவரில், ஜான் மெக்கெய்ன் அவருடைய ஈராக் போர் குறித்த முடிவை மாற்றிக் கொண்டால், ஒரு வேளை நான் அவருக்கு வாக்களித்து அருள் பாலிக்கலாம்.. யார் கண்டார்.

என்னை பெரும் குழப்பத்தில் விட்டதற்கு நெப்ரேஸ்கா மாநில செனடர் Chuck Hagel – ஐ தான் குறைகூற வேண்டும். அவர் தேர்தலுக்கு நின்றிருந்து குடியரசு கட்சியின் வேட்பாளராக வர முடிந்திருந்தால் முடிவு செய்வது இலகுவாயிருக்கும்.

ஜனநாயகக் கட்சி: 50%; குடியரசு – 37% ஆதரவு! ஆனால்…

இந்தியாவில் கட்சி/கூட்டணி சார்ந்த வோட்டுதான் பெரும்பாலும் விழும். ரஜினி வாய்ஸ் முதல் ராஜீவ் காந்தி வரை தனிப் பெரும் தலைவராக சிலர் முன்னிறுத்தப்பட்டாலும், ஆளுங்கட்சி vs எதிர்க்கட்சி இடையிலேயான போட்டி என்பதுதான் ஃபார்முலா.

அமெரிக்காவில் தனி நபர் சார்ந்த அரசியல் முன் வைக்கப்படுகிறது. ரான் பால் முதல் ரொனால்ட் ரீகன் வரை எல்லாருமே குடியரசுக் கட்சி சின்னத்தில் நின்றாலும் தனிப்பட்ட கொள்கை, ஆளுமை போன்றவற்றால் ஜனநாயகக் கட்சியிலும் அபிமானிகளைப் பெற்று வைத்திருக்கிறார்கள்.

இன்றைய தேதியில் ‘எந்தக் கட்சிக்கு உங்கள் வாக்கு?’ என்று கருத்துக்கணிப்பு நடத்தியதில் தெரியவந்ததுதான் தலைப்பாக இருக்கிறது. மாபெரும் வாக்கு வித்தியாசத்தில் டெமோக்ராட்ஸ் வாகை சூட வேண்டும். ஆனால், மெகெயினா/ஒபாமாவா (அல்லது) மெக்கெயினா/ஹில்லரியா என்றால், இழுபறி என்கிறார்கள். (முழுமையான முடிவுகள்: என்.பி.சி & வால் ஸ்ட்ரீட் ஜர்னல் கணிப்பு)

US President Elections Survey - Opinion Poll by NBC & WSJ - Obama, mcCain, Hillary Clinton, Barack

தற்போதைய ஜனாதிபது ஜார்ஜ் புஷ்ஷை பின்பற்றினாலோ அல்லது அவரின் வழியில் நடப்பேன் என்று பிரச்சாரத்தில் ஈடுபட்டாலோ, ஜான் மெகயின் அதோகதி என்பதையும் இந்த கருத்துக்கணிப்பு தெளிவாக்குகிறது.

WSJ Bush Approval Ratings Iraq Economy Direction

எந்தப் பகுதிகளில் எந்த வேட்பாளர் முன்னிலை?

Hillary Vs Obama Ratings Region Race Age Gender Ideology

முழு அலசல்:

1. More Americans Trust Democrats On U.S. Health Reform, Poll Finds – WSJ.com

2. McCain, GOP May Have Cause for Hope – WSJ.com

மிசிசிப்பியில் ஒபாமா வெற்றி

மிசிசிப்பியில் ஒபாமா கிளின்டனை வெற்றிகொண்டுள்ளார். இதன் படி தொர்ந்து ஒபாமா முன்னிலையில் உள்ளார். இங்கு அதிகமாக கறுப்பினத்தவர் இருந்ததால் இந்த வெற்றி முன்பே எதிர்வு கூறப்பட்டதுதான்!

ஹில்லரியின் வசந்தம்!

அமெரிக்காவில் வசந்த காலம் வந்து கொண்டிருக்கிறது…

எங்கும், {குறைந்த பட்சம் தெற்க்கே] பழுப்பு நிற புல்லும், இலைகளும் பச்சையாக மாறி விட்டது. முல்லையின் புது மொக்குகள் வந்து விட்டது… எங்கும் வசந்த கால தோற்ற்ங்கள்…

 

ஹில்லரியின் முகாமிலும் எங்கும் மகிழ்ச்சி. ஆம், டெக்ஸாஸின் வெற்றியும், ஓகையோவின் அபாரமான வெற்றியும், ஹில்லரிக்கு புது வாழ்வையும் வசந்ததையும் தந்து இருக்கிறது.. இந்த பெண்மணியை பார்க்கும் பொது மன உறுதி படைத்த மார்கரெட் தாட்செர் ஞாபகம் வருகிறார். ஸ்ப்ரிங்ல் “spring”  போல எழும்பி வந்து விட்டார்!

 

பல மாதங்கள் முன்பு ஜனநாயக கட்சிக்கு யார் வேட்பாளர் என்று கேட்டால் பச்சை குழந்தையும் கிளிண்டன் என்று சொல்லும். குடியரசு கட்சி வேட்பாளர் யார் என்று தெரியாத நிலமை. பின்னர் ஓபாமா தொடர் வெற்றிகளைக் குவித்துக் கொண்டே இருக்க ஹில்லரி அணியில் சுனக்கம். ஓபாமா காற்றில் ஹில்லரி இருந்த இடம் தெரியவில்லை. குடியரசு கட்சியில் “மூட்டை” கட்டுவதர்க்கு தயாராக இருந்த மெக்கைன் இப்பொது அதிகார பூர்வமான வேட்பாளர். கிட்டத்தட்ட டெமாக்ரட் அணி ஓபாமாதான் தேர்வு என்று நம்ப அரம்பித்து இருந்தனர். உண்மையில் இந்த சமயத்தில் ஹில்லரி ப்ரைமரி தேர்தலில் இருந்து விலகிக் கொள்வது ஜனநாயக கட்சிக்கு நல்லது  என்ற எண்ணம் பெரும்பாலான மக்களுக்கு உருவாகி இருந்திருந்தது. பெரும்பாலோர் ஒரு வேளை டெக்ஸாஸ், ஓகையோ தேர்தல்களுக்குப் பின் ஜனாதிபதி தேர்தலுக்கு ஹில்லரி முழுக்கு போடுவார் என்று இருக்க, நினைப்பதெல்லாம் நடந்து விட்டால் தெய்வம் எதும் இல்லை அல்லவா?   நிலமை தலை கீழாய் திடீரென மாறி விட்டது. இந்த பெண்மணியை பார்க்கோம்பொது மன உறுதி படைத்த மார்கரெட் தாட்செர் ஞாபகம் வருகிறார். ஸ்ப்ரிங்ல் “spiring” போல எழும்பி வந்து விட்டார்!

இதைத் தொடர்ந்து பென்சில்வேனியாவிலும் வெற்றி பெறக்கூடும். இதன் மூலம் அனைத்து பெரிய (ஓபாமாவின் சொந்த மாநிலமான இல்லினாய் தவிர) மாநிலஙகளிலும் பெரிய ஆதரவு பெற்றிருக்கிறார். ஓபாமா வென்ற மாநிலங்களில் பெரும்பாலும் குடியரசு கட்சியினரே வெற்றி பெருகின்றனர்.  “Battle Ground States” என்று கருதப்படும் Florida, Ohio, New Mexico, Arkansas எல்லாவற்றிலும் கூட ஹில்லரி வெற்றி. இப்பொது இவரது மதிப்பு கருத்து கணிப்பிலும் உயர்ந்து இருக்கிறது. இது தவிர ஓபாமா எப்படி தன் மீதான தாக்குதல்களை சமாளிப்பார் என்பது குறித்து  ஜனநாயாக கட்சியிலும் கொஞசம் குழப்பம் அதிகமாகி இருக்கிறது.

 

இவர் பினிக்ஸ் பறவையாக வந்ததர்க்கு பல காரணங்களை அலசுகிறார்கள்

 

முதலில் SATURDAY Night Live’ ல் ஜனநாயக கட்சி வாக்கு வாதங்களை கிண்டல் செய்ததை சாமர்த்திய்மாக தன் பக்க ஆதரவாக திருப்பி விட்டார்.

 

[இந்த link’ Youtube‘ இருந்து நீக்கி விட்டார்கள். ஆனல் தன்னை போலவே வேடம் இடும் பெண் ஒருவரோடு SNL இருப்பதை பார்க்கலாம்

 They did a re-enactment of the CNN debate and mocked the media for their ridiculous bias in favor of Obama. One of the questions to “Obama” was “Can we get you anything?” And another: “Are you mad at me?  At one point “Hillary” tried to interrupt and they scolded her and told her she owed everyone  an “Obamapology”. The funniest moment for me though was when the woman playing Campbell Brown had just finished listening to one of Obama’s answers and she looked to be having a very intimate uhhh reaction like a tingle in her leg, some might say]….

 

ஊடகங்கள் பெரும்பாலும் ஓபாமாவை கனிவாய் கவனித்தும் தன்னையே முதலில் குறி வைப்பது குறித்தும், அழுத்தம் திருத்தமாக வாக்களர்கள் மனத்தில் நிறுத்தினார்…..

http://www.bulletpointjournal.com/2008/03/video-of-hillary-clinton-on-saturday.html

 

Hillary Clinton recalls SNL parody: Does Obama want pillow?

 

ஓபாமாவைக் கிண்டல் செய்து பல பேச்சுக்கள்…… (ஏதோ கனவு உலகத்தில் இருக்கிறார்!)

http://www.youtube.com/watch?v=a1ckrEeHDRY

 

NAFTA பற்றிய கேள்விகளுக்கு ஓபாமா சரியான விடை தெரியாமலும், குழப்பியதும் பெரிய சறுககல்களே.  கனடா அரசாங்கத்தில் தந்த மறைமுக உறுதியையும் மறைக்க முயன்றார்.

 

 CTV on Obama, Clinton and NAFTA

 

http://www.youtube.com/watch?v=jAJYMgX4JuU

 

இது தவிர தேசிய பாதுகாப்பு குறித்த  அச்சங்ளையும் வெளியிட்டார்.

 

இந்த ஹில்லரியின் வெற்றி டெமொக்ரட் கட்சியில் புது சிக்கல்களை ஆரம்பித்து இருக்கிறது……… அப்புறம் அது குறித்து அலசுவோம்!

கனவு காணுங்கள் – ஒபாமா

என்ன அப்துல் கலாம் மாதிரி ஒபாமா இறங்கிவிட்டார் என்று நினைக்வேண்டாம். அவர் சொன்னது ஹில்லாரியை நம்மை அல்ல. இவர்களின் சண்டை குழையடியை நோக்கி நகர்ந்து கொண்டு இருக்கிறது. சீக்கிரம் ஒரு முடிவுக்கு வந்தால் அடுத்த கட்ட சண்டைக்கு தயாராகலாம். அடுத்த கட்டத்தில் மெக்கெயினை சந்திக்க வேண்டும் அதில் கட்டாயம் தாவு தீருவது நிச்சயம். அனுபவமிக்க மெக்கெயினை கொஞ்சமாவது ஹில்லாரி சமாளிப்பார்.ஒபாமா தேறமாட்டார். அனுபவமில்லை அனுபவமில்லைன்னே ஒரங்கட்டிவிடுவார் மெக்கெயின். ஹில்லாரி முன்னுக்கு பின் முரணாக பேசிவருகிறார் அவரும் தனியாக நின்றால் உதை வாங்குவது நிச்சயம். இவர்கள் இருவரும் கடைசியில் ஒன்றாக ஜனாதிபதி உப- ஜனாதிபதி என்று (dream ticket) போட்டி போடலாம் என்றும் பேசி வருகிறார்கள். இதற்கு போனவாரம் ஹில்லாரி கொஞ்சம் நூல் விட்டு பார்த்தார். அதாவது ஹில்லாரி தலையாம் ஒபாமா வாலாம் நல்லாயிருக்கும் அப்படின்னு.’நீ கொஞ்சம் அவல் எடுத்துட்டு வா நான் கொஞ்சம் உமி எடுத்துட்டு வரேன் ரெண்டு பேரும் ஊதி ஊதி சாப்பிடலாம்’ அப்படிங்கற மாதிரி இல்லை. உதை வாங்குவது இந்தம்மா ஒபாமா வாலா இருக்கணுமாம். அதுக்கு தான் ஒபாமா இப்படி சொல்லி இருக்கார். யாரு பாத்து என்ன கேள்வி கேட்டே அப்படின்னு வாங்கு வாங்குன்னு வாங்கி இருக்கார். இங்கன போய் படிங்க.

கடந்த வாரம் – அமெரிக்க ஜனாதிபதி தேர்தல் களம்

cover_newyorker_190.jpgடெமோக்ராட்ஸ் வேட்பாளர் இன்னும் முடிவானபடியில்லை. ‘பெரிய பிரதிநிதிகள்’ எனப்படும் சூப்பர்டெலகேட்ஸ் கையில்தான் ஒபாமாவா/ஹில்லரியா என்பது இருக்கிறது.

க்ளின்டனுக்கு (‘மக்களைப் பயமுறுத்துகிறார் ஹிலாரி’: ஒபாமா) சற்றும் சளைக்காத ஒபாமா அணியினர், ‘ஹில்லரி என்பவர் அரக்கி என்று பேட்டி கொடுக்க, பேட்டி கொடுத்தவருக்கு கல்தா கொடுத்தார் ஒபாமா.

மேலும் விவரங்களுக்கு: BBC NEWS | Americas | Obama aide quits in ‘monster’ row: “An adviser to Barack Obama has resigned after a Scottish newspaper quoted her calling rival US Democratic candidate Hillary Clinton ‘a monster’.”

ஒபாமாவின் இந்த மாதிரி தூஷணைகளுக்கு ‘முடிவல்ல.. ஆரம்பம்’ என்கிறது நியூஸ்வீக்: Obama’s Next Moves | Newsweek Politics: Campaign 2008 | Newsweek.com: “Obama’s aides are more than ready to turn their half-hearted criticism into a full-blown attack on the Clintons. Among the targets on the Obama campaign’s list: the Clintons’ tax returns, Bill Clinton’s international business relationships and the secret donors to the Clinton foundation.”

ஹிலரி க்ளின்டன் அணியினரும் ‘துரத்தி துரத்தி அடிப்பதில் மோனிகா லூயின்ஸ்கி விவகாரத்தைக் கையிலெடுத்த வழக்கறிஞர் கென்னத் ஸ்டார் போல் ஒபாமா வெறித்தனமாக’ செயல்படுகிறார் என்றனர்.

“ஒபாமாவா, ஜான் மெக்கெயினா என்று பார்த்தால் – பராக்கை விட எதிர்க்கட்சியின் மெகெயினே அடுத்த ஜனாதிபதியாக உகந்தவர்” என்று ஹில்லாரியே நேரடியாகப் பேட்டியளித்தார்.

மேலும் விவரங்களுக்கு: Confronting the Kitchen Sink – New York Times: “if a choice on national security had to be made today between Senators Obama and McCain, voters — according to Mrs. Clinton’s logic — should choose Senator McCain. That is a low thing for a Democratic presidential candidate to do to a rival in a party primary.”

நாப்டா விவகாரத்தில் க்ளின்டனும் ஒபாமாவும் அடிக்கும் பல்டிகளுக்கு குடியரசு நாயகரான ஜார்ஜ் புஷ்ஷும், ஜான் மெகெயினுமே தேவலாம் போல என்று சர்வதேச ஊடகங்கள் அபிப்ராயிப்பதாக பரீத் ஜகாரியா தெரிவித்துள்ளார்: Zakaria: Dems vs. Free Trade | Newsweek Voices – Fareed Zakaria | Newsweek.com: “Listening to the Democrats on trade ‘is enough to send jitters down the spine of most in India,’ says the Times Now TV channel in New Delhi. The Canadian press has shared in the global swoon for Obama, but is now beginning to ask questions. ‘What he is actually saying—and how it might affect Canada—may come as a surprise to otherwise devout Barack boosters,’ writes Greg Weston in the Edmonton Sun.”

என்னவாக இருந்தாலும் ஹில்லரி கிளிண்டன் இடதுசாரி போல் பேசினாலும், ‘பழைய பாட்டில்; பழங்கஞ்சிதானே’ என்று ஒபாமா பேச்சுக்களின் சாத்தியக்கூறுகளை ராபர்ட் ரீச் முன்வைக்கிறார்: Opinions: ‘Idealism, not leftism’ by Robert Reich | Prospect Magazine March 2008 issue 144: “She wants universal healthcare, but won’t support a ‘single-payer’ plan like Britain’s NHS, which is the best way to control medical costs. She won’t commit to raising taxes on the rich to finance social programmes, except for rolling back the Bush tax cuts.”

இங்கிலாந்தில் இட ஒதுக்கீடு குழுவின் பொறுப்பில் இருக்கும் ஆப்பிரிக்க – அமெரிக்கரின் புத்தகம் சார்ந்த அலசல்: Opinions: ‘Healing postponed’ by Trevor Phillips | Prospect Magazine March 2008 issue 144: “For all his lofty talk of national unity, Obama may actually put back the arrival of a post-racial America”

சிறுபான்மையினர் கிட்டத்தட்ட முன்னேறியிருக்கும், ஆப்பிரிக்க அமெரிக்கர்கள் ஓரளவு சம உரிமை வகிக்கும் மாஸசூஸெட்ஸ், நியூ யார்க், கலிஃபோர்னியா போன்ற இடங்களில் ஒபாமா ஏன் தோற்கிறார் என்பதை ஷெல்பி ஸ்டீலின் (Amazon.com: A Bound Man: Why We Are Excited About Obama and Why He Can’t Win: Shelby Steele: Books) நூலின் விமர்சனமாக விளக்குகிறார்.

இந்த வாதத்தை தற்போதைய வோட்டு கணக்கெடுப்புகளை வைத்து, வாக்காளர்களின் பின்னணியைக் கொண்டு அலசி, மறுத்துப் பேசும் ஆராய்ச்சி: RealClearPolitics – HorseRaceBlog – Demography and the Democratic Race: “It is a matter of income. Whites who make more money tend to support Obama. Whites who make less money tend to support Clinton.”

ஆனால்… இனம் இன்னும் முக்கியம்?

na-ap652a_race_20080305201213.gif

நன்றி: Race May Be Playing Role For Working-Class Voters – WSJ.com: “White working-class voters tend to be more conservative in terms of social beliefs and that is going to spill over.”

ப்ளோரிடாவும் மிச்சிகனும் அவசரப்பட்டு தேர்தல் நடத்தியதால் தங்களின் பிரதிநிதிகளையும் வாக்குகளையும் மதிப்பிழந்து நிற்கிறது. இவ்விரு இடங்களிலும் பராக் ஒபாமா கலந்துகொள்ளவில்லை. எனவே, ஹிலாரி எளிதில் வென்றிருந்தார். பராக் போட்டியிடாமல் வென்ற பிரதிநிதிகளையும் ஆட்டத்தில் சேர்த்துக் கொள்வோம் என்கிறார் கிளிண்டன். மறுதேர்தல் நடத்துவது நியாயம் என்கிறார் ஒபாமா.

இப்போதைக்கு இழுபறி: Florida, Michigan revotes come down to money – CNN.com: “Florida revote could cost $20 million; Michigan’s could cost $10 million”

ஜனநாயகக் கட்சி எப்படியும் ஜெயிக்க முடியாத இடங்களை, பராக் ஒபாமா தொடர்ந்து வென்று வருகிறார். அதே போல் வையோமிங் மாகாணத்திலும் ஜெயித்துள்ளார். ஒஹாயோவிலும் டெக்சஸிலும் தோற்ற புண்பட்ட நெஞ்சுக்கு இது பர்னாலாக அமைந்திருக்கிறது.

மேலும் விவரங்களுக்கு: Obama trounces Clinton in Wyoming – Los Angeles Times: “His win after her victories in Ohio and Texas is another promise of a continued pitched battle for delegates.”

இவ்வளவு தூரம் ஜனநாயகக் கட்சியின் குடுமிப்பிடி குழாயடி சண்டைகளை சொல்லிவிட்டு, குடியரசு வேட்பாளர் மெக்கெயின் குறித்து எதுவும் சொல்லாமல் முடிக்கக் கூடாது என்பதற்காக…

ஜான் மெகெயினின் கோபம் பிரசித்தமானது. இந்த தடவை ஊடகங்களும் அவருடன் ‘மோகம் முப்பது நாளாக’ கொஞ்சிக் கொண்டிருக்க, அவரும் தன்னுடைய அறச்சீற்றங்கள கட்டுக்குள் வைத்தே வந்திருக்கிறார்.

ஆனால், அந்த புகழ்பெற்ற முன்கோபம் எட்டிப் பார்த்திருக்கிறது. ‘சென்ற 2004 தேர்தலில் தங்களை ஜான் கெர்ரி தூணை ஜனாதிபதியாக நிற்கக் கோரினாரா’ என்று முன்பு கேட்டிருந்தபோது ‘அப்படியெல்லாம் பேச்சே எழவில்லை’ என்று புறங்கையால் ஒதுக்கியிருந்தார். தற்போது முன்னுக்குப் பின் முரணாக அவ்வாறு பேசியதை ஒப்புக் கொண்டதை சுட்டிக் காட்டியதும் சினம் தலை தூக்கியிருக்கிறது.

மேலும் விவரங்களுக்கு: McCain Asked About Kerrys V.P. Offer – The Caucus – Politics – New York Times Blog: “when Mr. McCain was asked about the conversation – and why he said in an interview with The New York Times in May 2004 that he had not even had a casual conversation with Mr. Kerry on the topic – Mr. McCain displayed some of the temper that he has largely kept under control in this campaign.”

கட்டாங்கடைசியாக, செல்வராஜ் (R.Selvaraj)

ஹில்லரி வெற்றியோ தோல்வியோ சிறிய அளவில் இருக்கும்; ஒபாமா பெரிய இடைவெளியில் வெல்வார், அல்லது பெரிய இடைவெளியில் தோற்பார் என்று எனக்குத் தோன்றுகிறது.

ஹில்லரிக்கு எதிராக புதிய 527 குழு

story.gifஅமெரிக்க தேர்தல்களில் வேட்பாளரைத் தோற்கடிக்க வேண்டுமானால் 527 குழு துவக்கப்படும். சென்ற ஜனாதிபதி போட்டியில் ஜான் கெர்ரியின் வியட்நாம் போர்க்களப்பணியை செல்லாக்காசாக மாற்ற ‘ஸ்விஃப்ட் பொட்’ இராணுவ வீரர்கள் விளம்பரம் பயன்பட்டது. ஜனநாயகக் கட்சி சார்பாக ‘மூவ் ஆன்’ போன்றவை செயல்படுகின்றன. இந்தக் குழுவிற்கு கொடுக்கப்படும் தேர்தல் நிதியை கணக்கு வழக்கின்றி செலவழிக்கலாம். தேர்தல் ஆணையத்தின் விதிகளுக்கு உட்படாத விளம்பரங்களையும் வதந்தியான அவதூறுகளையும் பரப்பவும் வசதியாகிறது

ஹில்லரி க்ளின்டனுக்கு எதிராக அல்குலைக் குறிக்கும் புகைப்பட டி-சர்ட்களை விற்க 527 குழு துவங்கப்பட்டிருக்கிறது.

பெண்ணின் யோனியை வெளிப்படையாக குறிப்பிட்டு அடங்கிப் போக சொல்லும் குறியீட்டை — பராக் ஒபாமாவை கறுப்பர் என்பதால் ‘நீக்ரோ’ என விளிப்பதற்கு ஈடாக ஒப்பிடுகிறார்கள். அதே சமயம், குடியரசுக் கட்சியின் இந்த சித்தரிப்பால் மணமான பெண்களின் வாக்கு ஜனநாயகக் கட்சி பக்கம் சாயவும் வாய்ப்பிழுப்பதால் ‘இதுவும் நன்மைக்கே’ என்றும் அலசுகிறார்கள்.

தொடர்புடைய தொடுப்புகள்:
1. Citizens United Not Timid

2. The C-word as a political tool – Broadsheet – Salon.com

3. 527s: Top Individual Contributors to 527 Committees

4. MoveOn.org: Democracy in Action

5. SwiftVets.com | The Real Story on John Kerry’s Military Service

6. C.U.N.T. வலையகம்: Citizens United Not Timid

7. The OFFICIAL MoveOn.org YouTube Channel

முன்று மாநிலங்களில் ஹில்லரி வெற்றி

இன்றைய ஜனநாயக கட்சியின் முன்னோட்ட தேர்தலில் ஹில்லரி மூன்று மாநிலங்களில் வெற்றி பெற்றுள்ளார். ஒபாமா ஒரு மாநிலத்தில் மட்டும் வெற்றி பெற்றிருக்கிறார். மிக முக்கிய மாநிலங்களான ஓகாயோ, டெக்சாஸ் ஆகிய இரு மாநிலங்களிலும் ஹில்லரி வெற்றி பெற்றுள்ளார். இந்த இரு மாநிலங்களிலும் வெற்றி பெற்றால் தான் இந்த போட்டியில் ஹில்லரி தொடர முடியும் என்ற நிலை இருந்தது.

ஹில்லரியின் வெற்றிக்கு முக்கிய காரணங்கள்

  • கடந்த சில நாட்களுக்கு முன்பு ஒபாமா நாப்டா – NAFTA குறித்த சில சர்ச்சைகளில் சிக்கினார். இது ஒபாமாவின் பொருளாதார நிலைப்பாடுகளை கேள்விக்குள்ளாக்கி இருந்தது.
  • ஓகாயோ போன்ற தொழிற்சாலைகள் அதிகம் இருக்கும் மாநிலங்களில் கிளிண்டனுக்கு செல்வாக்கு அதிகம். இம் மாநிலங்களில் இருக்கும் தொழிற்சாலைகள் சீனா போன்ற நாடுகளுக்கு செல்வது முக்கிய தேர்தல் பிரச்சனையாக இருந்தது. ஹில்லரியின் பொருளாதார அனுபவத்திற்கு கிடைத்த வெற்றியாகவும் இந்த வெற்றியை பார்க்க முடியும்.
  • லேட்டினோ பிரிவினரின் ஆதரவு
  • பெரிய மாநிலங்களில் பெரும்பாலும் ஹில்லரியே வெற்றி பெற்றுள்ளார் என்பதும் குறிப்பிடத்தக்கது.

ஹில்லரியின் வெற்றி ஜனநாயக கட்சியின் முன்னோட்ட தேர்தல் தொடர்ந்து நீடித்துக் கொண்டே இருக்கும் என்பதை தெளிவாக்குகிறது. போட்டியின் போக்கு ஒபாமா சார்பாக இருந்த நிலையில் இருந்து மாற்றம் அடையுமா என்ற கேள்வியும் எழுகிறது. மெக்கெயினின் போர் அனுபவத்திற்கு எதிராக ஹில்லரியின் பொருளாதார அனுபவம் ஒரு வலுவான வாதமாக இருக்கும் என ஜனநாயக கட்சியினர் நினைக்க கூடும்.

ஒபாமா இந்த தேர்தலில் இது வரை பெரிய அளவிலான “கொள்கை குழப்பங்கள்” குறித்த தாக்குதல்களை எதிர்கொண்டதில்லை. எனவே நாப்டா தொடர்பான ஹில்லரியின் தாக்குதலுக்கு ஒபாமாவால் சரியான பதிலடியை கொடுக்க முடியவில்லை. ஒபாமா தன்னுடைய பிரச்சார உத்திகளை மாற்ற வேண்டிய தேவையும் எழுந்துள்ளது.

குடியரசுக் கட்சியின் மெக்கெயின் வெற்றி பெற்றுள்ளார். தன்னுடைய தேர்தல் உத்திகள் எப்படி இருக்கும் என்பதையும் இன்றைய பேச்சில் தெளிவுபடுத்தியுள்ளார்

– ஈராக்கில் இருந்து அமெரிக்க படைகள் வெளியேறாது
– பொருளாதாரம் உலகமயமாக்கல் பாதையில் தான் நகரும். எந்த மாற்றமும் இருக்காது

என்பன அவரது கொள்கையில் முக்கிய அம்சங்கள். இது புஷ் ஆட்சியின் தொடர்ச்சி என ஜனநாயக கட்சியினர் பிரச்சாரம் செய்ய முடியும். ஆனால் முதலில் ஜனநாயகக் கட்சியினர் தங்கள் வேட்பாளரை முடிவு செய்தாக வேண்டும். ஒபாமா-ஹில்லரி இடையேயான போட்டி தொடர்ந்து நீடித்தால் மெக்கெயினுக்கு சாதகமாக மாறக் கூடிய வாய்ப்பு உள்ளது

ஓஹையொ நிலவரம்: ஹில்லரி கிளிண்டன் வெற்றி

Clinton Wins Democratic Primary in Ohio, networks say.

ஹில்லரி Vs ஒபாமா : யார் சிறந்தவர் ?

அமெரிக்க முன்னோட்ட தேர்தல் (Primary) கிட்டதட்ட இறுதி நிலைக்கு வந்துள்ளது. நாளை 4 முக்கிய மாநிலங்களில் நடக்கும் தேர்தல் குடியரசுக் கட்சியில் மெக்கெயினை குடியரசுக் கட்சியின் வேட்பாளாராக தேர்வு செய்யும். ஹக்கபீ தொடர்ந்து போட்டியில் இருந்தாலும், அவர் வெற்றி பெறுவதற்கான வாய்ப்பு சிறிதும் இல்லை. எனவே நாளை மெக்கெயின் 1,191 என்ற இலக்கினை பெறக்கூடும் என்றே தெரிகிறது.

நாளை அனைவரின் கவனமும் ஜனநாயக் கட்சியின் மீது தான் இருக்கும். ஒபாமாவா ? ஹில்லரியா என்ற கேள்விக்கு விடை கிடைக்குமா என்பது நிச்சயமற்றதாகவே உள்ளது. ஒபாமா டெக்சாஸ், ஒகாயோ ஆகிய மாநிலங்களில் வெற்றி பெற்றால், ஹில்லரி போட்டியில் இருந்த விலகக் கூடும். ஹில்லரி வெற்றி பெற்றாலோ, அல்லது இருவரும் சரிசமமான வெற்றியை பெற்றாலோ, இந்த போட்டி ஆகஸ்ட் வரை தொடர்ந்து கொண்டே இருக்கும்.

ஜனநாயக கட்சியில் யார் வெற்றி பெற்றால் நல்லது என்ற கேள்விக்கு மிகச் சூடான விவாதம் தொடர்ந்து அமெரிக்காவின் பல்வேறு ஊடகங்களில் நடந்து வருகிறது. ஜனநாயக கட்சியின் வேட்பாளர்களான ஹில்லரி, ஒபாமா ஆகிய இருவருமே மிகச் சிறந்த வேட்பாளர்கள். இந்த இருவரில் யார் சிறந்தவர் என்பதை தேர்ந்தெடுப்பது சற்று கடினமாகவே உள்ளது. இந்த இருவரில் சிறந்தவர் யார் என்ற கேள்வி, எனக்கும் உண்டு. நான் அமெரிக்காவில் வாக்களிக்கும் உரிமை உள்ளவன் அல்ல. என்றாலும் உலகின் மிக முக்கியமான ஒரு நாட்டின் தேர்தல், பல நாடுகளின் மீது கடுமையான தாக்கத்தினை ஏற்படுத்துகின்ற ஒரு நாட்டின் தலைமை எப்படி தேர்ந்தெடுக்கப்படுகிறது என்பதிலே எனக்கு ஆர்வம் உண்டு. ஒரு பார்வையாளனாக நான் கவனித்தவற்றை பதிவு செய்வதே இந்தக் கட்டுரையின் நோக்கம்.

மேலும் வாசிக்க  – http://blog.tamilsasi.com/2008/03/us-elections-hillary-obama.html

குடியரசு கட்சி அதிகாரப்பூர்வமான வேட்பாளர் ஜான் மெக்கைன்

ஜனநாயக கட்சி: 

 

ரோட் ஐலாண்ட் (Rhode Island):
  ஹில்லரி கிளிண்டன் வெற்றி


டெக்ஸாஸ் ப்ரைமரி
/ ஓஹையொ நிலவரம்: ஓபாமா கிளிண்டன்  இழு பறி

ஓஹையொ நிலவரம் ஜான் மெக்கைன் வெற்றி/ஓபாமா – கிளிண்டன் இழு பறி

ஓஹையொ நிலவரம் ஜான் மெக்கைன் வெற்றி (CNN’s Projection)

குடியரசு கட்சி அதிகாரப்பூர்வமான வேட்பாளர்  ஜான் மெக்கைன்??

 

ஓஹையொ நிலவரம்:  ஜான் மெக்கைன் வெற்றி (CNN’s Projection)

ஜனநாயக கட்சி:  ஓபாமா கிளிண்டன்  இழு பறி